Nga Kosova në Lindje të Mesme: Ish shefja e Zyres së BE-së, Apostolova, dërgohet në Palestinë

Nataliya Apostolova që udhëhiqte zyren e Bashkimit Evropian në Kosovë do të shkojë tashmë në Palestinë për t’u bërë udhëheqëse e misionit të BE-së për Polici dhe Sundim të Ligjit (EUPOL COPPS).

Sipas faqes zyrtare të Bashkimit Evropian, Apostolova bëhet gruaja e parë që e drejton këtë mision.

Karriera diplomatike 25 vjeçare e znj.Apostolova është përshkuar me pozita të larta në Lindje të Mesme dhe në Ballkan.

Më herët ajo kishte qenë shefe e delegacionit të BE-së në Libi prej 2013-s e deri më 2016-n, ndërsa shefe e Zyres së BE-së për Kosovën nga shtatori i 2016-s e deri në gusht 2020.

Nuk dihet se si është vlerësuar performanca e znj.Apostolova në vendin tonë nga BE-ja./Periskopi