Në ligat më të forta, liderë janë klubet që askush nuk i priste

Shikimi i renditjeve tabelare tregon se diçka e rrallë vërtetë është duke ndodhur.

Everton dhe Aston Villa nuk dinë për humbje, City, United dhe Liverpool e kanë përjetuar atë

Në Premierligë, dy vendet e para janë zënë nga Everton dhe Aston Villa, gjithashtu këto dy klube nuk dijnë ende për humbje pas pesë xhirove të luajtura në kampionat.

Dy vendet e para në La Liga janë zënë nga Real Sociedad dhe Villarreal, ndërsa vendi i parë në Gjermani i takon RB Leipzig, që mbase është befasia më e vogël nga ligat më të forta, sepse ka qenë pjesë e gjysmëfinales së Ligës së Kampionëve. Mbi të gjitha, dallimi mes tyre dhe Bayern Munich është vetëm një pikë.

Milani më në fund… lider në Serie A

Një surprizë e madhe vjen nga Serie A, më saktë, nga Milan, që janë rikthyer te rezultatet e shkëlqyeshme siç kanë bërë në të kaluarën. Pas katër xhirosh ‘Rossonerët’ numërojnë katër fitore, me një diferencë prej 9:1.

Pas Milanit me vetëm dy pikë më pak vjen një tjetër surprizë e madhe, ajo është Sassuolo.

Një punë të shkëlqyeshme në Francë e ka bërë Lille, që pas shtatë xhirove zënë vendin e parë me dy pikë më shumë se PSG, që numëron dy humbje në fillim të sezonit./Lajmi.net/