Lojtari i Romës konfirmon se është prekur nga COVID-19

Një numër i madh futbollistësh në Serie A janë infektuar nga koronavirusi.

I fundit është mbrojtësi i Romës, Mancini, i cili do të humbas ndeshjen e së hënës kundër Milanit.

“Përshëndetje të gjithëve, unë dola pozitiv në COVID-19 dhe si rezultat duhet të futem në karantinë”, ka shkruar futbollisti, përcjell lajmi.net.

“Ndihem mirë dhe tashmë po numëroj ditët derisa të kthehem në fushë. Shihemi së shpejti dhe forca Roma”.

Ish anëtari i Atalantës nuk ishte pjesë e skuadrës së Romës për ndeshjen e Ligës së Evropës kundër Young Boys./Lajmi.net/