Instituti ndal ‘buzëqeshjen’ e Armend Zemajt: 3 të vdekur, prishet edhe trendi i mirë i rasteve të reja

Dolën rastet edhe për 24 orët e fundit, por lajmet nuk janë aq të mira si në ditët e kaluara. 

Kësaj here ka mundësi t’i jetë ndalur buzëqeshja ministrit Armend Zemaj, pasi që për herë të parë ka më shumë të infektuar se sa të shëruar.

79 raste të reja me Covid-19 dhe 61 të shëruar për 24 orë, ndërsa lajmi më i keq është se ka pasur plot 3 të vdekur, përcjell Periskopi.

Raporti i IKShPK-së: 

61 TË SHËRUAR DHE 79 RASTE ME COVID-19!

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 764 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 79 raste pozitive. Brenda 24 orëve janë raportuar tre raste të vdekjes me SARS CoV-2 pozitiv (2 raste Klinika Infektive dhe 1 rast MIQ, QKUK).

Numri total i rasteve pozitive është 16.050 raste nga 73.340 persona të dyshimtë në virusin SARS-CoV-2 dhe 641 raste të vdekjes.