Gotze befason me skuadrën e re, po largohet për herë të parë nga Gjermania

Ish futbollisti i Kombëtares së Gjermanisë, Mario Gotze, është duke kaluar testet mjekësore te PSV, para kompletimit të transferimit te skuadra holandeze, raporton Voetbal International, përcjell lajmi.net.

Mesfushori gjerman është lojtar i lirë, pas përfundimit të kontratës me Borussia Dortmund këtë verë.

Gotze do të nënshkruajë marrëveshje dy vjeçare me PSV, teksa largohet nga Gjermania për herë të parë në karrierën e ti.

28 vjeçari Gotze, gjatë karrierës së tij ka veshur fanellën edhe te Bayern Munich.

Gotze ka qenë pjesë e Kombëtares së Gjermanisë në triumfin në Kupën e Botës, në vitin 2014./Lajmi.net/