Challandes: Kosova ka si shtet ka treguar se mund t’i përballojë situatat e vështira

Challandes ka deklaruar se pavarësisht mungesave, ekipi i tij ka treguar se mund t’i përballojë gjitha këto.

“Dy vite e gjysmë më parë, në takimin e parë me ekipin, kemi folur për një ndeshje të tillë, potencialisht për të arritur një ndeshje të tillë, jo si një qëllim, por si një ëndërr, dhe tani jemi afër kësaj ëndrre”, ka deklaruar Challandes, përcjell lajmi.net.

“Tash jemi pranë një momenti kur edhe ëndrrën mund ta prekim, por siç e thatë edhe ju kemi disa probleme, nuk jemi në situatën më perfekte, por Kosova si ekip futbolli ka treguar se di t’i përballoje këto situata, duke i kthyer në favor të vetin”.

“Si trajner, nëse je pesimist dhe gjithmonë i sheh vetëm pjesët e vështira, atëherë duhet të ndërrosh punën me përgjegjësi, unë e kam të qartë me çka përballem, e shoh se kemi mundësi, shoh se mund të arrijmë diçka si ekip, koha ka ardhur, nuk mund të presim më shumë për të realizuar atë që duam”.

Më mirë pa disa lojtarë, por me Maqedoninë pa tifozë në tribuna: Me gjithë lojtarët e mi ose pa ata, kjo nuk është një pyetje e mirë. Dua të luaj me tifozë, për mua tifozët janë pjesa më e rëndësishme e futbollit. Por duhet ta pranojmë këtë situatë, dhe është e qartë se unë i dua të gjithë futbollistët e mi, por kjo është situata, duhet ta pranojmë.

Mungesa e Rrahmanit: Unë mund ta shpjegoj se çfarë ka ndodhur por jo edhe ta kuptoj edhe aq mirë pse ka ndodhur kështu. Po jetojmë në një kohë speciale me virusin e COVID-19 dhe disa gjëra janë dukshëm më të vështirësuara sesa që janë në kushte normale. Kemi bërë maksimumin duke provuar nëpërmjet UEFA, nëpërmjet FIFA-s, nëpërmjet federatës italiane, nëpërmjet regjionit të Napolit, pra në çdo formë kemi provuar që Amirin ta kemi me ne këtu, kjo nuk ka qenë e mundur, dhe për ne ka qenë e pakuptueshme, siç është e pakuptueshme, se nga i njëjti shtet, nga një klub që ka shumë raste pozitive, dikush të mund të jetë pjesë e ekipit (rasti Goran Pandev).

Kombëtarja e Maqedonisë:Kam parë të gjitha ndeshjet e Maqedonisë në ciklin e kualifikimit. Ata janë të mirë, ata duan të kenë zotërimin e topit, ata luajnë një futboll të mirë dhe ata janë një ekip kompakt./Lajmi.net/