Aksident në Vitomiricë të Pejës, një person dërgohet në spital

Para pak minutash ka ndodhur një aksident trafiku në Vitomiricë të Pejës, mes një automjeti dhe një çiklisti, si pasojë e të cilit lëndime trupore ka pësuar ky i fundit.

Çiklisti është dërguar për trajtim mjekësor në spital, ndërsa shkaqet e aksidentit nuk dihen akoma.

Lajmin e ka konfirmuar zëdhënësi i policisë për rajonin e Pejës, Driton Rugova.

“Aksidenti ka ndodhur rreth orës 10:45 mes një automjeti dhe një çiklisti, si pasojë e aksidentit çiklisti ka pësuar lëndime trupore dhe është dërguar për trajtim mjekësor”, tha Rugova.