Aksident i rëndë në Elbasan, lëndohet një person

Një aksident i rëndë është regjistruar mbrëmjen e sotme në aksin Elbasan-Peqin, në afërsi të fshatit Bradashesh.

Burime për Abcnews.al bëjnë me dije se dy automjete janë përplasur kokë më kokë, transmeton Klan Kosova.

Mjeti tip “Volkswagen” me drejtues shtetasin A.L., është përplasur me mjetin tip “BMW” me drejtues shtetasin N.S., banues në Peqin.

Si pasojë e aksidentit është plagosur shtetasja R.S., banuese në Peqin, e cila ishte pasagjere në mjetin tip “BMW”, dhe ndodhet jashtë rrezikut për jetën.

Grupi hetimor ndodhet në vendngjarje dhe po punon për zbardhjen e shkakut të aksidentit.

klankosova.tv

.