2 të vdekur dhe 169 raste të reja në 24 orët e fundit

Instituti Kombëtar i Shëndetësisë Publike ka publikuar raportin e 24 orëve të fundit për pandeminë. 

Përsëri shifrat janë mjaft shqetësuese. Për 24 orë janë konfirmuar 169 raste të reja me Covid-19 ndërsa janë raportuar si të shëruar vetëm 85 sosh.

E veçanta e këtij raporti është se për të dytën herë radhazi janë raportuar më shumë se 1 mijë teste të bëra nga ShSKUK.

Dy të vdekur nga koronavirusi i ri raportohen nga IKShPK, përcjell Periskopi.

Prishtina ka eskaluar me raste sërish, me mbi 70.

Raporti i plotë: 

85 TË SHËRUAR DHE 169 RASTE ME COVID-19!

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 1.119 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 169 raste pozitive. Brenda 24 orëve janë raportuar dy raste të vdekjes me SARS CoV-2 pozitiv (1 rast MIQ, QKUK dhe 1 rast Klinikë Infekltive).

Numri total i rasteve pozitive është 17.591 raste nga 85.042 persona të dyshimtë në virusin SARS-CoV-2 dhe 659 raste të vdekjes.