Zhvendosja e Ambasadave në Jeruzalem, BE “shuplakë” Serbisë e Kosovës

Bashkimi Europian nuk e ka pritur mirë një pikë të veçantë të marrëveshjes së firmosur në takimin e Washingtonit. Brukseli paralajmëroi hapur Serbinë dhe Kosovën, duke ua bërë të qartë se zhvendosja e ambasadave në Jeruzalem do të minojë shpresat e tyre për anëtarësim në bllokun europian. “Asnjë vend i BE-së nuk ka ambasadë në Jerusalem. As zyra e delegacionit të BE-së në Izrael nuk është në Jerusalem”, deklaroi zëdhënësi i bllokut, Peter Stano.

Ai kujtoi se si Kosova, ashtu edhe Serbia janë shprehur të përkushtuara për integrimin e tyre europian, të cilin e përshkruajnë si qëllim strategjik, ndaj duhet të sillen në përputhje me këtë”, ka shtuar prerazi ai. BE-ja ende e konsideron statusin e Jerusalemit si çështje rreth së cilës ka mospajtime mes shtetit të Izraelit dhe autoriteteve palestineze.

Kosova dhe Serbia arritën në 4 shtator, në Uashington, një marrëveshje për normalizim ekonomik. Marrëveshja, e cila u nënshkrua në praninë e presidentit amerikan, Donald Trump, mes tjerash, thotë se Kosova dhe Izraeli pajtohen të njohin njëri-tjetrin dhe se do t`I vendosin ambasadat në Jeruzalem.

.