PSD e habitur dhe e pakënaqur që qytetarët po e lavdërojnë kryeministrin Hoti për mirësjellje

Partia Social-Demokrate e Kosovës ka reaguar ndaj reagimeve që po bëhen për aksionin e sotëm nga dy aktiviste të saj, e ku përshtypje të mirë la mirësjellja e kryeministrit Avdullah Hoti.

Aktivistë të kësaj partie kanë protestuar sot në një tryezë ku kryeministri po fliste para përfaqësuesve të shoqërisë civile në lidhje me çështjen e dialogut. Ata duke fëshkëllyer hodhën pamflete ku shkruhej “qeveri patriarkale” ndërsa denoncuan heshtjen e qeverisë në lidhje me rritjen e rasteve të dhunës në familje – ku shumica prej viktimave po janë gra.

Ndërkohë, reagimi i mëpastajmë ka të bëj me mënyrën se si është pritur reagimi me mirësjellje nga kryeministri Hoti.

Hoti u duk fare i qetë dhe iu tha protestuesve se ishte në anën e tyre në lidhje me këtë çështje, shkruan Periskopi. Ai madje i tha të ulej edhe moderueses e cila po matej të dilte e të ballafaqohej me dy aktivistet.

PSD tash po deklaron se është naivitet të lavdërohet sjellja e kryeministrit.

“Eshte e vertete qe sjellja e Avdullah Hotit ishte shume me e qytetruar ndaj nje aksion-proteste ne krahasim me lideret e mehershem te institucioneve. Dhe kjo mund te na tregoj per kryeministrin si individ dhe sjelljen e tij si person.Aksioni gjate fjales se kryeministrit nuk ishte per personalitetin e Hotit, por ishte i drejtuar per udheheqesin e qeverise. ” – thuhet nga PSD.

Reagimi i plotë: 

Kryeministri matet me politika e veprime konkrete dhe kurrsesi me miresjellje

Eshte per t’u habitur sesi nje pjese e shoqerise e lavderon sjelljen e kryeministrit Avdullah Hoti ngaj dy aktivisteve te PSD-se qe ia nderprene fjalen per ta vene ne pah mungesen e veprimit institucional perkunder dhunes ndaj grave qe eshte shume me e shpeshte sesa raportimet qe i shohim dite pas dite.

Eshte e vertete qe sjellja e Avdullah Hotit ishte shume me e qytetruar ndaj nje aksion-proteste ne krahasim me lideret e mehershem te institucioneve. Dhe kjo mund te na tregoj per kryeministrin si individ dhe sjelljen e tij si person.