“Populli turk i varrosi në tokë ose i hodhi në det!” Turqia njofton lëvizjen më të fundit, çfarë pritet të ndodhë në brigjet e Qipros?

Turqia ka njoftuar stërvitje ushtarake në brigjet e Qipros duke nisur nga e diela. Kështu ka bërë me dije Ministri turk i Mbrojtjes, që ka njoftuar për një seancë stërvitore të shkollave ushtarake.

Sikurse bën me dije Ankaraja, kjo stërvitje që do të zgjasë deri të enjten dhe do të përfshijë elementë të forcave ajrore, atyre detare dhe ushtrisë.

Ky njoftim vjen pas një situate jo të qetë mes dy vendeve, lidhur me pretendimet në Mesdheun Lindor, apo kërkesat e Greqisë për shtrirje në 12 milje në Egje.

Greqia hodhi poshtë një ditë më parë deklaratën e sekretarit të Natos, se mes vendeve kishte nisur dialogu. Përfaqësuesi i qeverisë greke, Stelios Petsas tha se ka vetëm bisedime teknike, por jo dialog.

“Çdokush që ka një post publik duhet të veprojë me seriozitet dhe përgjegjshmëri për pozicionin që mban. Dhe Sekretari i Përgjithshëm i NAtos ka një pozicion të rëndësishëm”, deklaroi ai.

Por nga ana tjetër nuk ka qenë aspak e qetë retorika e Erdogan gjatë një fjalimi në ceremoninë e diplomimit të studentëve në Universitetin Kombëtar të Mbrojtjes.

“Ata që e sulmuan pavarësinë tonë një shekull më parë, populli turk i varrosi në tokë ose i hodhi në det. Ata që shënjestruan flamurin tonë dhe lutjet tona, kur ishin duke kërkuar një rrugë për të dalë nga ky presion, ekzekutuan tre kryeministra, dy ministra dhe një gjeneral. Shpresojmë të mos bëjnë të njëjtin gabim sot dhe të mos paguajnë të njëjtin çmim”, u shpreh Erdogan.

.