Meta përkujton vizitën e Papa Françeskut: Të mos harrojmë porosinë e tij për të rinjtë

Presidenti shqiptar Ilir Meta, nëpërmjet një postimi në profilin e tij zyrtar në Facebook, ka përkujtuar gjashtëvjetorin e vizitës së Papa Françeskut në Shqipëri.

Në postimin e tij, Meta rikujton edhe një nga mesazhet dhe porosistë  e Papa Françeskut për të rinjtë, ku theksonte se të rinjtë shqiptarë duhet të mbahen në atdheun e tyre në mënyrë që Shqipëria të shpëtojë nga dimri demografik.

Postimi i plotë i Ilir Metës:

Në 6-vjetorin e vizitës së Tij në Shqipëri, të mos harrojmë porositë e mençuara të Papa Françeskut: “Shqiponjat nuk e harrojnë folenë, por fluturojnë lart. Kam parë kaq shumë të rinj, ndaj ju lutem mbajini ata në Atdheun e tyre dhe Shqipëria të shpëtojë nga dimri demografik”.

Të bëjmë gjithçka që shqiponjat të qëndrojnë e të kthehen në folenë e tyre, dhe Shqipëria të ngrihet lart, atje ku e meritojnë ëndrrat dhe sakrificat e shqiptarëve, si një vend plotësisht demokratik, i respektuar dhe me dinjitet në Europë.

“Duhet bërë gjithçka për të shtuar shpresën për rininë tonë, sepse ‘Ku ka rini, ka shpresë”, – tha Papa Françesku në Tiranë.

KOHA NUK PRET MË!

TË KTHEJMË SHPRESËN PËR RININË DHE PËR TË GJITHË SHQIPTARËT!

.