Kosnett: Në kohë të vështira, arti dhe humori i Mikullovcit mbajtën gjallë shpirtin e Kosovës

Ambasadori amerikan në Kosovë Philip Kosnett ka bërë homazhe në nderim të aktorit të njohur Adem Mikullovci që ka ndërruar jetë dje.

Kosnett përmes një cicërime në Twitter ka thënë se Adem Mikullovci me artin dhe humorin e tij e ka mbajtur gjallë shpirtin e kosovarëve edhe në kohërat më të vështira.

“Ne i bashkohemi gjithë Kosovës për ta vuajtur humbjen dhe nderuar jetën e aktorit, komedianit dhe politikanit Adem Mikullovci. Në kohë të vështira, arti dhe humori i tij e kanë mbajtur gjallë shpirtin e Kosovës. Kontributi i tij në kulturën, pavarësinë dhe karakterin e Kosovës do ta lënë një trashëgimi të përhershme”.

Aktori dhe politikani Adem Mikullovci ka ndërruar jetë  dje në moshën 81 vjeçare.