Itali – nuk ka tifozë në stadiume, së paku deri në tetor

Skuadra si Napoli, Parma e Sampdoria, kanë luajtur disa ndeshje miqësore me praninë e deri 1000 tifozëve, të cilët ishin me maska dhe respektonin distancën sociale.

Por, përkundër kësaj, duket se në fillimin e sezonit të Serie A gjërat do të kthehen në situatë të jashtëzakonshme.

‘Corriere della Sera’ shkruan se hapi tjetër i qeverisë italiane do të ndalojë praninë e tifozëve nëpër stadiume, së paku deri më 30 shtator, transmeton lajmi.net.

Këtë vendim qeveria e Italisë pritet ta vë në fuqi që nga dita e nesërme. /Lajmi.net/