Fritz konfirmon interesimin e klubit anglez për Rashicën

“Mund ta konfirmoj që kemi qenë në kontakt me Aston Villën. Por, ende nuk ka asgjë konkrete. Ka disa kërkesa për të dhe jemi në komunikim të vazhdueshëm me menaxherin e tij”, u shpreh Fritz.

Për kartonin e 24-vjeçarit, gjermanët këmbëngulin te shifra e 20 milionë eurove, ndërsa sipas raportimeve të ndryshme, Aston Villa është e gatshme të shpenzojë deri në 18 milionë, shifër kjo që për momentin nuk përmbush kërkesat e Werderit.

Për Rashicën ka interes edhe nga Leipzig dhe dëshira e futbollistit është të transferohet te skuadra e Nagelsmann që mesa duket ka hyrë sërish në garë për të firmosur me talentin kosovar. /SS