Dzeko para ndeshjes me Italinë: Bosnja nuk është në nivelin më të mirë të mundshëm

Bosnja do të ketë një test jashtëzakonisht të vështirë, kur në Ligën e Kombeve përballet me Italinë.

Kapiteni i kombëtares boshnjake, Edin Dzeko, i cili aktivizohet me Romën, nuk është optimist, pasi thotë se skuadra kombëtare nuk është në momentin më të mirë.

“Më vjen keq që kjo ndeshje vjen në këtë kohë, kur as ne as Italia nuk jemi 100% gati”, ka thënë Dzeko, transmeton lajmi.net.

“Shumë lojtarë mungojnë, përfshirë edhe Miralem Pjanic”, shtoi boshnjaku.

Italia shihet si favorite për këtë ndeshje kundër Bosnjës, ku Dzeko pritet të jetë startues. /Lajmi.net/