Betim Halimi: ‘Dardanët’ janë arma më e fortë e Kosovës

Kosova luajti dy ndeshje në muajin shtator në kuadër të Ligës së Kombeve, njërën prej tyre në stadiumin ‘Fadil Vokrri’, megjithë mungesa, la shumë për të dëshiruar me lojën e saj.

Mungesa e tifozëve në stadium ka qenë shokuese për futbollistët tanë, që janë mësuar me atmosferën e zjarrtë në stadiumin e kryeqytetit.

Edhe portieri Betim Halimi mendon njësoj, duke shkuar aq lart sa i konsideron ‘Dardanët’ si armën më të fortë të Kosovës.

“I kam parë dy ndeshjet e fundit të Kosovës. Nuk ishte Kosova që jemi mësuar ta shohim së fundmi, por duhet ta kuptojmë që kishin mungesa të mëdha. Edhe ndeshja pa shikues bëri të veten, pasi e dimë të gjithë se Kosova si armë më të fortën ka tifozërinë e Dardanëve”, tha portieri i Olimpik Donetsk.

Halimi ka pasur së fundmi disa probleme me një lëndim, lëndim ky që ia mohoi edhe grumbullimin me kombëtaren gjatë muajit janar, atëherë kur ai pranonte ftesën nga FFK. Tashmë i rikuperuar, ai me gjithë qef pret një ftesë nga selektori Bernard Challandes. /Lajmi.net/