Suarez thyen heshtjen, a do të largohet nga Barcelona?

Sulmuesi uruguaian po spekulohet se është një nga lojtarët që do të largohet nga ‘Camp Nou’ pas një sezoni të turpshëm, që u mbyll me një disfatë 8:2 nga Bayern Munich në Ligën e Kampionëve.

Megjithatë, Suarez thotë se ende nuk ka folur me trajnerin e ri Ronald Koeman, përcjell lajmi.net.

”Është folur për disa emra që sugjeroi presidenti, ndryshime që mund të bëhen, por askush nuk më ka thënë që ata duan të më heqin qafe. Nëse kjo është ajo që klubi dëshiron, do të ishte mirë nëse drejtori përgjegjës për këto vendime do të fliste drejtpërdrejt me mua”.

”Është më mirë sesa të rrjedh në medie nëse unë jam një nga lojtarët që ata duan të largojnë. Do të shohim se çfarë ndodh. Unë dua atë që është më së miri edhe për klubin dhe tani për qëllim kam të qëndroj, por nëse klubi vendos se nuk më do, nuk kam asnjë problem të flas me ata që vendosin. Koeman? Unë nuk kam folur ende me të”.

”Mund ta pranoj edhe rolin e zëvendësuesit padyshim”, u shpreh Suarez. /Lajmi.net/