Shaqiri konfirmon të ardhmen pavarësisht sezonit irritues me Liverpoolin

Sulmuesi zviceran vuajti për të gjetur një vend në formacion, duke mos mundur të thyejë konkurrencën e Roberto Firmino, Mohamed Salah dhe Sadio Mane.

Kauza e tij nuk u ndihmua gjithashtu nga një seri lëndimesh të njëpasnjëshme, të cilat e kufizuan atë në vetëm 11 paraqitje në të gjitha garat, transmeton lajmi.net.

“Gjithmonë nëse jeni të dëmtuar ose nëse nuk jeni duke luajtur, ju jeni të irrituar”, tha ai në faqen e internetit të klubit.

“Por mezi pres këtë sezon dhe përpiqem të ndihmoj ekipin gjatë gjithë kohës, kështu që kam mundësinë të luaj si sezonin e parë”.

“Si ekip, thjesht dua që ne të arrijmë shumë gjëra. Unë mendoj se kemi shumë lojtarë të mirë në ekipin tonë, të gjithë mund të luajnë dhe të përpiqemi t’i vështirësojmë zgjedhjet për trajnerin”, vijoi Shaqiri. /Lajmi.net/