Senatori Bob  Dole kujton vizitën e tij të parë në Kosovë: Askush s’e dinim se ky do të ishte  fillimi i rrugëtimit për Pavarësi

Senatori Bob Dole ka kujtuar vizitën e tij të parë në Kosovë, 30 vjet më parë.

Ish- senatori Dole, ka   thënë se askush nuk e  ka ditur se  ky ishte fillimi i  rrugëtimit për pavarësi për popullin e Kosovës.

“30 vjet më parë, unë dhe kolegët e mi udhëtuam për në Prishtinë për herë të parë. Askush nga ne  nuk e ka ditur se ai do të ishte fillimi i rrugëtimit për pavarësi për popullin e Kosovës”, ka shkruar Dole në tëitter.

Në Prishtinë është  ndërtuar  busti në nderim të ish senatorit Bob Dole, për angazhimin e tij të madh për pavarësinë e Kosovës.

Ai ka falënderuar për mundësinë që t’i shërbejë Kosovës,  ndërsa ka kërkuar falje që nuk mund të jetë prezent në përurimin e bustit të tij në Kosovë./Periskopi/