Ramiz Krasniqi do të jetë trajner i Prishtinës ndaj Lincoln

Skuadra kryeqytetase ka njoftuar se Ramiz Krasniqi ka pranuar të drejtojë Prishtinën në këtë situatë të jashtëzakonshme.

UEFA ka vendosur që ndeshja mes Lincoln dhe Prishtinës të luhet ditën e shtunë, por fituesit e Kupës së Kosovës janë të detyruar të ndryshojnë komplet lojtarët nga ata që kanë qenë së fundi në Gjibraltar, dhe në ndihmë atyre u janë dalë skuadrat e Superligës.

Njoftimi i FC Prishtinës:

Ramiz Krasniqi do të udhëheq skuadrën

Seleksionuesi i 19 të Përfaqësueses së Kosovës, ish-futbollisti i Prishtinës, ish-trajneri i Prishtinës (2001/02; 2006; 2010-2012; 2015; 109 ndeshje ka udhëhequr skuadrën), Ramiz Krasniqi, do t’i prijë skuadrës në ndeshjen që do të zhvillohet me Lincoln.

FC Prishtina falënderon ikonën e klubin, trajnerin Krasniqi, që ka pranuar të udhëheq skuadrën në këto kushte aspak normale.

Për listën e futbollistëve do të iu njoftojmë me kohë. Administrata e klubit në krye me përgjegjësen kryesore në kontakt me UEFA-n, Shkenca Goçi, po punon maksimalisht për t’i arritur afatet e protokolleve të kërkuara nga UEFA dhe sapo të mbyllen të gjitha procedurat do të informoheni gjerësisht.

/Lajmi.net/