Liderit kinez Xi Jinping po i dridhet pushteti nga vetë partia e tij

Një ish profesoreshë e shkollës elitare të Partisë Qendrore të Kinës ka bërë një qortim të paprecedent ndaj liderit kinez, Xi Jinping, duke e akuzuar atë për “vrasjen e vendit” dhe duke pretenduar se shumë njerëz duan heqjen nga pushteti të partisë komuniste kineze.

Cai Xia, një profesoreshë e famshme që ka dhënë mësim në atë shkollë për top zyrtarët më të lartë të vendit, u përjashtua nga partia të hënën pasi rrodhi online një audio-inçizim me kritikat e saj ndaj presidentit Xi.

Shkolla tha në një shënim se Cai, profesoreshë e shkollës së partisë nga viti 1992, kishte bërë komente që “dëmtonin reputacionin e vendit” dhe se ishin “me probleme serioze politike.”

Në intervistën e parë me mediat në gjuhën angleze që nga përjashtimi i saj, Cai tha se ishte “e lumtur që ishte përjashtuar”, përcjell Periskopi nga The Guardian.

“Nën regjimin e Xi-së, partia komuniste kineze nuk është forcë për progres në Kinë. Në fakt, është një pengesë për progresin e Kinës,” tha ajo. “Besoj që nuk jam e vetja që dëshiron të largohet nga kjo parti. Shumë njerëz duan të largohen,” tha ajo. “Kam dashur të largohem nga partia vite më herët, kur nuk kishte hapësirë për të folur dhe kur zëri im më bllokohej krejtësisht.”

Ajo më tej shtoi se kishte opozitë të madhe brenda partisë por vetëm pak njerëz kishin guximin që të flisnin, të frikësuar nga hakmarrjet politike. /Periskopi