Ka ndodhur fluturimi i parë komercial nga Izraeli në Emiratet e Bashkuara Arabe, duke shënuar kështu një hap të madh në normalizimin e marrëdhënieve pas njoftimit për marrëveshjen e paqes.
Kompania ajrore El Al bëri udhëtimin tre-orësh, duke mbajtur një delegacion izraelit por edhe disa zyrtarë amerikanë.
Fluturimi u lejua që të kalonte nëpër hapësirën ajrore të Arabisë Saudite, që normalisht ishte e bllokuar për trafikun ajror të Izraelit, shkruan BBC, përkthen Periskopi.
EBA është bërë vetëm shteti i tretë arab në Lindje të Mesme që njeh Izraelin si shtet që nga themelimi i saj në vitin 1948.
Të shtunën, EBA revokoi një ligj që bojkotonte Izraelin, e që ishte në fuqi nga viti 1972.
Marrëveshja për normalizim të marrëdhënieve – e mundësuar nga ShBA-të u bë publike në një njoftim befasues më 13 gusht. /Periskopi
