KF Llapi vazhdon me transferime, prezanton futbollistin e radhës

Skuadra nga ‘Zahir Pajaziti’ përmes faqes së klubit ka njoftuar transferimin e mesfushorit të krahut të majtë, Edon Sadriu.

Sadriu është 23 vjeçar, dhe sezonin e fundit ka qenë pjesë e Ferizajit.

Njoftimi i KF Llapit:

Zyrtare: Edon Sadriu nënshkruan për 2 vite me Llapin

Mesfushori i majtë bëhet pjesë e klubit për dy vitet e ardhshme

Podujevë, 4 gusht 2020 – KF Llapi ka vazhduar me përforcime në repartet të cilat ka pasur nevojë për tu përforcuar, andaj nga sot Edon Sadriu është pjesë e klubit.

Edon Sadriu është 23 vjeçar i lindur më 20.05.1997 në Slivovë. Është mesfushor i krahut të majtë. Në sezonin e fundit u paraqit për Ferizajn në 16 ndeshje duke realizuar edhe 2 gola. Në të kaluarën ka qenë pjesë e Gjilanit.

/Lajmi.net/