Hoti s’do zhurmë për rrugën Deçan – Plavë: Zhurma nuk është zgjidhje

Kryeministri i Kosovës, Avdullah Hoti, përmes një shkrimi në llogarinë e tij në Facebook, ka thënë se rruga Deçan – Plavë do të ndërtohet në bashkëpunim me Komunën e Deçanit dhe institucionet tjera kompetente, duke u respektuar ligjet e shtetit të Kosovës. Sipas Hotit, kjo çështje zgjidhet me punë, e jo duke bërë zhurmë.

Më poshtë gjeni shkrimin e plotë të Hotit:

“Pa u ndikuar nga zhurmat nëpër studio televizive, ne do ta ndërtojmë rrugën Deçan-Plavë në bashkëpunim të ngushtë me Deçanin dhe të gjitha institucionet e tjera kompetente, duke respektuar ligjet e shtetit të Kosovës. Zhurma nuk është zgjidhje për shqetësimet e qytetarëve tanë, por puna, angazhimi dhe respektimi i normave ligjore dhe kushtetuese“, shkroi Hoti.