Gati e kryer, Bravo do të kthehet në La Liga

Portieri kilian, Claudio Bravo, pritet që edhe zyrtarisht të ndajë rrugët e tij me skuadrën e Manchester City.

Raportime të ‘Nacion Chile’ bëjnë të ditur se Bravo do të nënshkruajë me Real Betis, transmeton lajmi.net.

Portieri do të vë firmën e tij në një kontratë një vjeçare me skuadrën e Manuel Pellegrini, me kontratën që do të ketë opsionin për mundësi vazhdimi për një vit tjetër.

Bravo në sezonet e fundit ka qenë zgjedhja e dytë te Manchester City, pasi nuk fitonte dot balotazhin me Ederson.

Mbetet të shihet se kur do të zyrtarizohet transferimi i tij te Betis. /Lajmi.net/