Barcelona: Dorëzohet mocioni i mosbesimit kundër presidentit Bartomeu dhe bordit të drejtorëve

Vendimi i Farre vjen një ditë pasi Lionel Messi kërkoi të largohet nga Barcelona duke e aktivizuar një klauzolë në kontratën e vet, e cila ia mundëson të largohet si lojtar i lirë, transmeton Gazeta Express.

Të gjithë anëtarët e Barcelonës kanë të drejtë ta nënshkruajnë mocionin kundër Bartomeut, i cili do të procedohet nëse i merr nënshkrimet e mjaftueshme.
Bartomeu do të detyrohet të largohet nga posti i presidentit, nëse 66 për qind të anëtarëve të klubit votojnë kundër tij.

“Siç thashë dje, sapo e dorëzova mocionin e mosbesimit kundër Josep Maria Bartomeu dhe tërë bordit të drejtorëve, ata nuk mund të jenë në krye të klubit as edhe një minutë”, shkroi Farre në Twitter.

“Ka ardhur koha për fakte e jo fjalë”, shtoi ai.

Com vaig dir ahir, acabo de presentar escrit per sol.licitar vot de censura contra Josep Maria Bartomeu i tota la seva junta directiva, no poden estar ni un minut més al capdavant del club.
És hora de fets i no de paraules. #votcensura2020 pic.twitter.com/oOLX1TT05t

— Jordi Farré (@JordifarreFcb) August 26, 2020