Vjosa Osmani kapet me deputetin e VV-së: Pse këto pikëpyetje?

Vjosa Osmani, kryetarja e Kuvendit të Kosovës, e ka pasur një konfrontim të vogël me deputetin e VV-së dhe kryetarin e komisionit për buxhet, z.Hekuran Murati. 

Murati vuri pikëpyetje në lidhje me amandamentetet e propozuara nga znj.Osmani që kërkonin sigurimin e maskave falas për qytetarët për një shumë prej 3 milionë eurosh.

Ai tha se megjithëse e mbështeste nuk dinte se kah do të merreshin ato para, përcjell Periskopi.

Osmani u revoltua nga një gjë e tillë dhe me zë të ngritur i tha atij se nuk po hidheshin pikëpyetje për amandamentetet që kishin të bënin për asfalt e të tjera çështje jorelevante për krizën shëndetësore.

Kryekuvendarja më pas e qiti në votim amandamentin e saj por për herën e parë nuk kishte kuorum të mjaftueshëm për vendim-marrje. Ndërkohë që herën e dytë ky amandament nuk kaloi pasi mora vetëm votat e Vetëvendosjes dhe të pak deputetëve të partive të tjera. /Periskopi