Syrija Rashidi pyet BDI-në: Ku janë paratë që vidhen nga xhepat e qytetarëve që 18 vite

Bartësi i listës në njësinë zgjedhore 5 publikisht ka pyetur BDI-në se ku janë paratë që 18 vite, siç tha ai, para që vidhen nga qytetarët. Gjatë tubimit në Kërçovë, ai tha se është informuar nga qytetarë në Strugë dhe Kërçovë për frikësimin dhe kërcënimet që ushtrohen ndaj administratorëve, me qëllim që të marrin pjesë në tubimin e Ali Ahmetit.

Por, sipas tij, kjo gjendje do të ndryshojë pas një jave.

“Ju lutem edhe një javë të qëndrojmë, edhe një javë me urtësi të punojmë, kurse po të njëjtit si sot një javë në mbrëmje do të vijnë dhe do të kërkojnë falje, do të ketë edhe nga ata që do të vijnë dhe do të thonë se me ju ishim. Ata vazhdojnë me avazin e vet, por ne mund të parashtrojmë disa pyetje të thjeshta kur do që ata të paraqiten; Ku janë paratë që 18 vite nga vjedhin nga xhepat tonë, ku janë paratë që vjedhin nga fëmijët tanë. Tash është koha që të japin përgjigje për atë. Tash është koha që shqiptarët të dijnë se sa para i japin këtij shteti. Tash është koha që shqiptarët të dijnë se ku harxhohen paratë e shqiptarëve. Tash është koha që shqiptarët duhet të dijnë se kush i vjedh dhe kush i ka vjedh paratë e shqiptarëve. Tash është koha qe ne tjerët të themi mbajeni dorën se edhe këto janë paratë tona”, tha Rashidi.