Qyteti i Shkupit furnizoi pajisje të re për ballafaqim me zjarret pyjore

Qyteti i Shkupit furnizoi pajisje për t’u ballafaquar me zjarret pyjore me qëllim të ngritjes së nivelit për mbrojtjen e natyrës në kompleksin Vodno, Saraj dhe Matkë.

Pajisja, siç kumtuan autoritetet e qytetit, përbëhet prej dy traktorëve pyjorë, pompave të dorës për shuarjen e zjarrit, pompave motorike për ujë, vegla të shumëfishta për shuarjen e zjarrit, dronit me kamerë termale dhe sharra motorike, ndërsa do të jenë në funksion për të gjitha njësitet e Brigadës së zjarrfikësve të Qytetit të Shkupit dhe NP për Parqe.

Qëllimi është të munden më lehtë të përballen me zjarret pyjore në territorin e rripit malor nga Vodno në Matkë dhe njëherësh të ruhen vlerat natyrore.

Mali Vodno dhe Kanjoni i Matkës për shkak të vlerave të tyre natyrore janë shpallur zona mbrojtëse dhe janë destinacione atraktive turistike në Shkup. s

.