Ministri i Arsimit shkarkon Bordin e Universitetit ‘Haxhi Zeka’, në Bordin e ri emëron njerëz të afërt me AAK-në

Ministri i Arsimit, Ramë Likaj, që vjen nga Aleanca për Ardhmërinë̈ e Kosovës (AAK) ka shkarkuar anëtarët e bordit të Universitetit të Pejës, “Haxhi Zeka”, dhe ka emëruar një bord politikë prej tre anëtarësh, shkruan Periskopi

Në vendimin që ka siguruar Periskopi, bëhet e ditur se anëtrë të bordit janë emëruar: Ariana Xhemajli, Ardian Berisha, Shkendije Ukaj.

Në informacionet që ka Periskopi, Ardian Berisha tashmë anëtarë i ri i bordit drejtues është  edhe Shef i grupit të Këshilltarëve të AAK-së, në Kuvendin Komunal  të Pejës.

Pjesë e këtij bordi drejtues të ri, del të jetë edhe motra e deputetit të AAk’së Shkumbin Demalijaj.

Në këtë vendim  po ashtu është̈ bërë edhe arsyetimi për ndryshimet e fundit që bëri Likaj, duke thënë se ishte nevoja për emërimin e anëtarëve të rinjë.

Ndryshe kujtojmë se Ministri Likaj një muaj më parë kishte shkarkuar edhe bordin e UP’së, duke i zëvendësuar me emra të rinjë/PERISKOPI