KOMENT/ Ndryshimi duhet të ndodh, le të ndihmohet ai!

Koment i Redaksisë

15 korriku është dita ku shqiptarët e Maqedonisë së Veriut do duhet të përzgjedhin qeverisjen 4 vjeçare të vendit. Zgjedhjet që organizohen në një situatë krejt të jashtëzakonshme për shkak të situatës së pandemisë me Covdi 19, por pavarsisht kësaj kjo situatë nuk ua ulë atyre aspak rëndësinë thelbësore që kanë.

Maqedonisë i duhet një ndryshim në qeverisje, por një qeverisje stabile të cilën qytetarët do duhet të bëjn atë në kutitë e votimit. Faktori shqiptar kësaj rradhe duket më i konsoliduar për dallim nga zgjedhjet tjera dhe kjo padyshim e bën më të lehtë për qytetarin vendimarrjen.

Estabilishmenti momental politik i instaluar tash e gati 18 vite ka kaluar në situata nga më të ndryshimet, në sfida e beteja nga të llojllojshmet. A ka korrur sukses? Padyshim që nuk ka munguar pjesërisht as suksesi, por a ka dështuar? Po, dështimi tashmë ka përmbysur anët pozitive të saj. Momenti për një përmbysje totale të këtij lloji të qeverisjes kaq shumëvjeçare është në këto zgjedhje.

Kësaj radhe ndryshimi është afër si asnjëherë më parë, mjafton të ndihmohet ai. Shqiptarët në Kosovë pak muaj më parë dhanë një leksion të pashembullt duke çuar klasën e vjetër  politike shumëvjeçare në opozitë. Tani është koha që edhe shqiptarët në Maqedoni të tregojnë një mençuri. Tash është koha që ata të flasin, tash është koha për një ndryshim i cili varret vetëm nga to.

Verdikti final u takon sërish atyre, pra qytetarëve të cilët me votën e tyre për ndryshim duhet të përzgjedhin qeverisjen e ardhshme të Maqedonisë së Veriut, të cilën përpos sfidës me pandeminë e presin edhe shumë sfida të tjera të rëndësishme. Andaj të zgjidhet një qeveri e cila do ti paraprijë këtyre sfidave. /Zyrtare.net/