Intelektualët nuk njohin rregulla për ruajtjen nga koronavirusi – qyteti i Gjilanit ‘në flakë’ pas triumfit të Dritës

Në emër të dashurisë ndaj klubit të tyre Dritës, tifozët ‘Intelektualët’ kanë shkelur sot secilin rregull të caktuar nga autoritetet, për ruajtjen nga pandemia Covid-19.

Me një atmosferë për lakmi, tifozët e Dritës kanë festuar sot për titullin e kampionit, përcjell lajmi.net.

Përkundër asaj se atmosfera është brilante, shqetësimi qendron mbi atë se sa po respektohen rregullat dhe sa po rrezikohen qytetarët e Gjilanit nga virusi Covid-19.

Kujtojmë se grumbullime të tilla ndalohen reptësisht, pasi përhapin virusin shumë më shpejtë.

‘Intelektualët’ kishin udhëtuar edhe dje drejt Therandës, ku edhe atje festonin nëpër rrugët e qytetit. /Lajmi.net/