IKShP: Bartja e maskës nuk është turp, është trimëri

Në vazhdën e fushatës së vetëdijësimit për rëndësinë e bartjes së maskës, Instituti Kombëtar i Shëndetësisë, ka publikuar edhe një fotografi me mbishkrimin: “Bartja e maskës nuk është turp, është trimëri”.

Kosova ka shënuar rritje enorme të rasteve të të infektuarve me koronavirus ditëve të fundit. Në më pak se një javë, në Kosovë janë regjistruar mbi njëmijë raste me Koronavirus. Më shumë se 100 viktima ka shënuar vendi jonë si pasojë e virusit.

Policia e Kosovës sot ka inspektuar sheshet në Prishtinë, ku janë ndalur qytetarët që janë vërejtur se nuk kanë maska.

Periskopi i bashkohet thirrjes që në këtë kohë të vështirë, të bartim të gjithë maska.