FFK e kursen FC Prishtinën, e dënon me vetëm një mijë euro për skandalin kundër Drenicës

FC Prishtina në kuadër të xhiros së 28-të kishte mposhtur 1:0 Drenicën, dhe pas përfundimit të kësaj ndeshje, kishte ndodhur një incident në fushë.

Sipas raportit të FFK-së, në fushë u futen persona të paautorizuar, të cilët krijuan tollovi dhe shkaktuan duele verbale.

Në kohën e masave anti covid, hyrja në fushë e personave të paautorizuar, të cilët u përfshinë edhe në incident, është dënuar me vetëm një mijë euro nga komisioni disiplinor.

Njoftimi i FFK-së:

FC “PRISHTINA“ nga Prishtina, në procedurë të hapur disiplinore nga mbledhja e mbajtur e komisionit datë 07.07.2020 , për lëshime në organizimin e ndeshjes së javës së; XXVIII-të Ipko Superligës së Kosovës në futboll për kategorinë e seniorëve; FC PRISHTINA – KF DRENICA e zhvilluar në stadiumin “Fadil Vokrri“ në Prishtinë; (raportet zyrtare nga ndeshja e zhvilluar; Pas përfundimit të ndeshjes persona të paautorizuar dhe të papenguar nga askush zbritën nga tribunat e stadiumit dhe hynë në fushë të cilët krijuan tollovi dhe shkaktuan duele verbale mes akterëve të të dy ekipeve). Bazuar në nenin 52 paragrafi 1 pika 3 dhe neni 10 paragrafi 1 pika 2, FC “Prishtina“ nga Prishtina;

DENOHET në të holla në shumë prej; 1000 euro (njëmijë euro). Afati i pagesës së dënimit të shqiptuar në të holla është 15 ditë nga data kur vendimi bëhet i plotfuqishëm. (Rregullorja disiplinore neni 11 paragrafi 1).

/Lajmi.net/