Dënimi nuk do të ndikojë, De Bruyne do të qëndrojë te Man City

Manchester City janë dënuar nga UEFA me mos pjesëmarrje prej dy sezonesh në garat evropiane, shkaku i shkeljes së rregullave financiare.

Kjo ka bërë që të ketë spekulime për yjet e kësaj skuadre, të cilët pa pjesëmarrje në Ligën e Kampionëve, mund të kërkojnë largimin.

Në mesin e emrave ka qenë edhe Kevin de Bruyne, lojtari më i mirë i Manchester Cityt.

“Ne nuk shqetësohemi për këtë. Kevin ka një kontratë tri vjeçare me një ekip të klasit botëror”, ka thënë agjenti i futbollistit, përcjell lajmi.net.

“Ai është në një klub dhe qytet ku ndihet mirë dhe i vlerësuar. Ai nuk po mendon fare për një transferim”.

“Në futboll gjithmonë ka interesim për lojtarët cilësor, qoftë de Bruyne, Messi Ronaldo apo Griezmann”./Lajmi.net/