Barca e shet Umtitin, shkon pas Skriniar

Katalanët janë duke treguar interesim serioz për mbrojtësin sllovak dhe do të përpiqen ta blejnë këtë verë, mbese në një “paketë” me Lautaro Martinez, i cili është edhe objektivi kryesor i tyre këtë verë.

Në anën tjetër, Umtiti prej kohësh ka qenë i lidhur me një largim nga Barcelona.

Francezi po vazhdon të vuajë nga lëndimet e shumta, dhe këtë sezon është paraqitur në vetëm 16 ndeshje, ndërsa sezonin e kaluar pothuajse e kishte humbur të gjithin.

Barcelona do të dëshironte që Umtitin t’ia ofronte Interit si shkëmbim të Skriniar, diçka që italianët nuk duan ta pranojnë.

Shkaku i kësaj, Barca është e gatshme t’i dëgjojë të gjitha ofertat./Lajmi.net/