Sport
Ballkani hap fals kundër Prishtinës, minimizohen gjasat për titull

Në udhëtimin në Therandë, Prishtina ka arritur të marrë një pikë që më së shumti favor i bën Dritës dhe Gjilanit, shkruan lajmi.net.
Me rezultatin 2:2, Ballkani ka bërë një hap të gabuar në garën për titull, duke minimizuar tashmë gjasat.
Skuadra e Ismet Munishit e zhbllokoi takimin qysh në minutën e 12’, me anë të Blendi Baftiut. Reagimi i Prishtinës ishte i shpejtë, kur nga penalltia barazuan me anë të Endrit Krasniqit.
Një minutë para fundit të pjesës së parë, Kushtrim Gashi arriti të shënonte edhe golin e dytë për Ballkanin.
Nikoqirët nuk arritën të administrojnë avantazhin dhe Prishtina barazoi për herë të dytë me anë të Otto John, në minutën e 60’.
Me këtë barazim, Ballkani numëron 63 pikë dhe bie në pozitën e tretë në tabelë, kurse Prishtina numëron 59 pikë për pozitën e katërt. /Lajmi.net/


















