Asistentja e Melania Trumpit shkruan libër eksploziv mbi të

Një ish asistente e lartë e Zonjës së Parë të ShBA-ve, Melania Trumpit, ka shkruar një memoar “eksplodues” duke dhënë detaje për miqësinë e saj pesëmbëdhjetë vjeçare me të.

Stephanie Winston Wolkoff ishte emëruar si asistente e papaguar e zonjës së parë pak pasi Donald Trump fitoi zgjedhjet presidenciale të 2016-s, dhe ajo luajti një rol të profilit të lartë në ndihmën që i dha Melanias për tranzicionin në Shtëpinë e Bardhë nga New Yorku duke e këshilluar mbi portfolion politike.

Por në shkurtin e vitit 2018, Winston Wolkoff ishte detyruar të largohej nga detyra pas raportimeve se i kishte marrë 26 milionë dollarë në pagesa për të ndihmuar në ceremoninë e inaugurimit të Donald Trumpit në vitin 2017, përcjell Periskopi.

Në atë kohë, Winston Wolkoff kishte thënë që firma e saj i kishte marrë në total vetëm 1,62 milionë dollarë, dhe se ajo shumë ishte ndarë mes stafit. Që nga ajo kohë, ajo nuk e kishte pranuar se ishte pushuar nga puna duke thënë që në fakt ishte tradhtuar.

Winston Wolkoff më vonë bashkëpunoi me prokurorët federalë në Manhattan të cilët hapën hetimet mbi keq-shpenzimet e inaugurimit në vitin 2017.

Libri i saj do të titullohet “Melania dhe Unë”, i botuar nga Gallery Books, dhe do të publikohet më 1 shtator.

Ky libër do të japë detaje të kohës së saj në Shtëpinë e Bardhë me zonjën e parë. Ajo për kohë të gjatë ishte konsideruar një prej shoqeve më të ngushta të Melanias.

Nuk dihet nëse edhe ky libër do ta dëmtojë presidentin Trump në shanset e tij për të fituar një mandat të ri në Shtëpinë e Bardhë. /Periskopi