Adam Lallana bëhet me skuadër të re, mbetet në Premierligë

32 vjeçari mori një lamtumirë emocionuese nga kampionët e rinj të Premierligës, duke i dhënë fund qëndrimit gjashtë vjeçar në ‘Anfield Road’, dhe kontrata e tij do të përfundojë pas ndeshjes finale të këtij sezoni.

The Athletic raporton se Lallana ka arritur marrëveshje me skuadrën e Brighton, duke nënshkruar kontratë tri vjeçare, e cila do të konfirmohet shumë shpejt, përcjell lajmi.net.

Qëndrimi i Lallanas si në fushë ashtu edhe jashtë fushës, janë theksuar si atribute që kanë tërhequr skuadrën e Brighton.

32 vjeçari Lallana në 128 ndeshje për Liverpoolin ka shënuar 18 gola. Ai gjithashtu ka edhe 34 paraqitje për Anglinë./Lajmi.net/