Suarez uron Liverpoolin: Jam i lumtur për ju

Ish anëtari i Liverpool, i cili tashmë aktivizohet me skuadrën e Barcelonës, Luis Suarez, ka uruar ish skuadrën e tij.

Suarez ka thënë se është i lumtur për Liverpool, pasi këta të fundit mbrëmë janë shpallur kampionë të Premierligës.

“Jordan dhe të gjithë lojtarët e Liverpoolit – jam shumë i lumtur për ju dhe familjet e juaja, dhe për njerëzit që punojnë për Liverpool, dhe tifozët e Liverpool”, ka thënë Suarez, transmeton lajmi.net.

“Shpresoj të shijoni këtë herë sepse ishte futboll i mahnitshëm nga Liverpool. Jeni kampionët”, ka shtuar uruguaiani.

Suarez ishte shumë afër të fitonte një trofe me Liverpool, por skuadra asokohe dështonte në xhirot e fundit. /Lajmi.net/