Pas Zhdrellës dhe Osmanit, Llapi tani fajin për humbje ua lë gjyqtarëve

Llapi është njëra ndër skuadrat më të zëshme në Superligë, që pas çdo humbje ka drejtuar gishtin te gjyqtarët ose te FFK-ja – ndërsa së fundmi është për se kanë akuzuar edhe lojtarët e vet. Një gjë e rrallë që ndodh në futbollit evropian.

Në humbjen e sotme ndaj Feronikelit skuadra që udhëhiqet nga Tahir Batatina, një nga kundërshtuesit më të mëdhenj të Agim Ademit, faji u ka drejtuar gjyqtarëve, shkruan lajmi.net.

”Feronikeli i falet penalltisë fantazmë nga Dardan Çaka në minutat e fundit të ndeshjes dhe vendimit të tij makabër që ua humb djersën futbollistëve për gjatë 90 minutave!!!”, shkruan faqja zyrtare e Llapit në Facebook.

Kjo praktikë është bërë e zakonshme nga klubet që kundërshtojnë të parin e FFK-së dhe shfrytëzojnë këto situata për ta gozhduar sa më shumë Ademin. Megjithatë, krejt ajo që bëjnë është dëm për futbollin e Kosovës.

Kujtojmë se në javën e kaluar, Llapi pësoi humbje nga Drenica në shtëpi, derisa sekretari i klubit pas përfundimit të ndeshjes akuzoi lojtarët e vet Mentor Zhdrellën dhe Labinot Osmanin për kurdisje të ndeshjes.

Dyshja ishin intervistuar nga Prokuroria, ku kanë mohuar kategorikisht këtë pretendim nga sekretari Rexhepi.

Llapi vazhdon të jetë në mesin e tabelës dhe pa ndonjë objektivë, anipse në fillim Batatina kishte premtuar daljen në Evropë. /Lajmi.net/