Motra e Ronaldos ‘sulmon’ Sarrin: Cristiano nuk mund të bëjë vet mrekullira

Një mesazh që duket se i drejtohet lojës së Maurizio Sarri pas humbjes së mbrëmshme, transmeton lajmi.net.

Juventusi u mposht në penallti nga Napoli në finalen e Kupës së Italisë, pas koha e rregullt mbaroi pa gola – ndërkohë për yllin portugez kjo ishte finalja e dytë e humbur radhazi, gjë që i ndodh për herë të parë në karrierë e tij të lavdishme.

“Çfarë tjetër mund të bëjë ai? Ju nuk mund të bëni mrekulli vetë. Unë nuk e kuptoj se si mund të luani kështu gjithsesi… kokën lart, më shumë nuk mund të bënte”, shkroi Elma Aveiro në Instagram. /Lajmi.net/