Kryeministri i Kosovës, Avdullah Hoti, në një konferencë që tregonte për atë se çfarë u diskutua në mbledhjen e Komisionit Ekzekutiv për luftim dhe reagim ndaj COVID-19, u pyet edhe rreth aktakuzave ndaj Presidentit të Kosovës, dhe kërkesën për zgjedhje nga Lëvizja Vetëvendosje, shkruan Gazeta Metro.
Hoti, tha se konferenca nuk ishte thirrur për këtë arsye, por pranoi të përgjigjej shkurtimisht.
”Unë besoj që pas këtyre viteve kemi ndërtuar një kulturë institucionale me çdo situatë, reagojmë me dinjitet, karshi zhvillimeve. Sa i përket zgjedhjeve Kosova ka qeveri funksionale dhe kushtetuese, që ka mbështeteje të deputetëve, dhe kështu duhet të vazhdoj.”
Ndërsa në lidhje me aktakuzën, Hoti nuk dha ndonjë përgjigje.
