Deliu-Kodra pas rastit tronidtës në Milloshevë: Institucionet të eliminojnë hapësirat me rrezik

Deputetja e PDK-së, Bleta Deliu-Kodra, ka reaguar pas rastit tragjik ku humbën jetën dy fëmijë në Milloshevë.

Ajo thotë se pavarësisht situatës që kemi me pandeminë, një ngjarje e tillë nuk duhet të kalojë pa vëmendjen tonë.

Deliu-Kodra shkruan:

Më tronditi pa masë ngjarja e hidhur sot ku humbën jetën dy fëmijë, në një gropë me ujë, në Milloshevë. Pavarësisht ndjeshmërisë së situatës me pandeminë, e cila ka rrëmbyer vëmendjen tonë, ky rast dhe të tilla të ngjashme nuk guxojnë të kalojnë më sikur raste të izoluara.

Institucionet përkatëse duhet të ndjehen përgjegjëse për t’i eliminuar këto hapësira me rrezik, ose bërë të paqasshme ato, sidomos për fëmijët. Ne e kuptojmë kurreshtjen e fëmijëve dhe percepcionin e tyre për rrezikun, prandaj si përgjegjës për mirëqenien e tyre duhet të ndërmarrim masa për t’i siguruar të gjitha hapësirat që përbëjnë rrezik potencial, sidomos për fëmijët.

Familjeve të dy engjëjve u shprehi ngushllimet më të sinqerta si nënë dhe deputete.