Atletico Madrid hap dyert e shtëpisë për rivalët e Real Madridit

Stadiumi i Real Madrid, ‘Santiago Bernabeu’ është në proces rikonstruksioni, kështu që ‘Los Blancos’ ndeshjet si vendas mund t’i zhvillojnë në shtëpinë e rivalëve lokal.

“Ne jemi të gatshëm t’u japim atyre stadiumin tonë për të shfrytëzuar”, ka deklaruar presidenti i Atleticos, Enrique Cerezo, përcjell lajmi.net.

Real Madrid ka vendosur që ndeshjet e mbetura të sezonit t’i zhvillojë në ‘Alfredo Di Stefano’, një stadium ky brenda kampit stërvitor të tyre, ku ndeshjet i zhvillon skuadra e dytë e Los Blancos.

Por, nëse në Spanjë vendoset që të hapen dyert e stadiumeve për tifozët, Real Madrid do të marrë në konsideratë ofertën e Atleticos./Lajmi.net/