Connect with us

Kosovë

​Kërkohet drejtësi për viktimat e dhunës seksuale gjatë luftës në Kosovë

Publikuar

më

Organizatat që përfaqësojnë viktimat e dhunës seksuale gjatë luftës në Kosovë, të zgjedhurit e popullit dhe ish-presidentja, Atifete Jahjaga kanë marshuar sot nga Kuvendi i Kosovës te memoriali “Heroinat”, në Prishtinë. Aty kanë bërë homazhe dhe kanë deklaruar që institucionet duhet të punojnë për të sjellur para drejtësisë të gjithë kriminelët që i kanë kryer këto vepra gjatë luftës së fundit në Kosovë.

 Grave deputete dhe organizatave i është bashkuar edhe Nafi Krasniqi, i cili drejton organizatën “Drejtësi për të gjithë”.

 Vëllai i Vasfije Krasniqit, gruaja që rrëfejë publikisht përjetimet nga dhuna seksuale që u janë bërë gjatë luftës, tha se vetëm duke i ndëshkuar kriminelët mund të parandalohen vepra të tilla.

 “Jemi bashkuar për të bërë thirrje të institucionet tona që kjo ditë jo të shënohet vetëm në mënyrë ceremonial për të parandaluar dhunën , mirëpo institucionet tona t’i bashkohen kësaj lufte në mënyrë që të sjellët drejtësia. Ne besojmë që vetëm duke ndëshkuar ata që kanë bërë këtë krim do të parandalohet ky krim. Ne i bëjmë thirrje institucioneve tona që të punojnë që kryesit e veprave t’i sjellin para drejtësisë dhe ata të marrin dënimin e merituar” tha ai.

Pas homazheve që i bënë të memoriali “Heroinat”, kryetarja e Kuvendit të Kosovës, Vjosa Osmani bëri thirrje për drejtësi dhe që institucionet e qytetarët të bëjnë të pamundurën që kryesit e veprave të dalin para drejtësisë.

 “Sot nuk do të duhej të ishte dita e vetme kur ne e ngrisim zërin tonë në radhë të parë për të kërkuar përkrahje, për të kërkuar eliminim të paragjykimeve në raport me të gjithë të mbijetuarit e dhunës seksuale në kohë lufte, por mbi të gjitha për të kërkuar me zë të lartë ,e zë të vendosur, drejtësi. Drejtësia tashmë u mungon edhe 21 mijë grave e burrave në Kosovë të cilat kanë përjetuar më të rëndët si pasojë e luftës së fundit në Kosovë, por u mungon edhe shumë viktimave të tjera anë e kënd botës, në nderë e të cilave edhe sot shënohet kjo ditë”, tha Osmani.

 E ish presidentja e Kosovës, Atifete Jahjaga tha se megjithë punën që është bërë në çështjen e trajtimit dhe mbrojtjes së viktimave të dhunës seksuale gjatë luftës në Kosovë, ka ngecje të drejtësia, meqë ende askush nuk ka dhënë përgjegjësi për krimin e kryer.

 “Është obligim i yni institucional dhe obligim i yni shoqëror që të gjithë ata kriminelë që kanë bërë këto krime makabre ndaj të mbijetuarve të dhunës seksuale gjatë luftës të sjellën para drejtësisë. Ka ardhur koha, që 21 vite pas përfundimit të luftës ne nuk e kemi as të vetmin kryes të këtyre krimeve i cili është sjellur para drejtësisë dhe që është ballafaquar me drejtësinë për këto krime makabre që kanë bërë padrejtësisht ndaj popullsisë civile dhe të pafajshme të Kosovës, dhe është obligim i yni si institucione dhe shoqëri që të ballafaqohemi me të kaluarën tonë, sepse paqja jonë nuk do të jetë e plotë” tha ajo.

 Ajo tha se nuk mund të gëzohet Pavarësia e Kosovës nëse nuk ka paqe në secilin njeri në Kosovë të prekur nga ngjarje të tilla.

 Për shkak të pandemisë, institucionet e Kosovës nuk e kanë shënuar Ditën Ndërkombëtare për eliminimin e dhunës seksuale në konflikt, me ceremoni brenda objekteve.

 Në këtë ditë u prezantua një instalacion “Bëhu zëri im” dhe u vendosen lule pranë memorialit “Heroinat”.

Maqedoni1 hour ago

Kaos me lopët në Pallankë: Kapen vetëm 96 krerë, kryetari i komunës ngre kallëzime penale!

Shqipëri2 hours ago

Miratohet Buxheti rekord prej 10 miliardë eurosh për vitin 2027, 80 vota pro edhe për Paketën Fiskale

Lajme3 hours ago

Konkursi i partisë apo ATK-së? Kandidatja e VV-së për asambleiste punësohet në ATK (Dokument)

Kosovë5 hours ago

A e ka gjetë PDK kryetarin dhe a mund të bëhet dikush që nuk ishte pjesë e UÇK-së – çfarë thotë Rrahman Rama

Lajme5 hours ago

Liridona Vejseli i reagon Blerim Bexhetit: Kur ishte ministër, katër shqiptarë u dënuan për një grafit

Maqedoni6 hours ago

Zjarr në garazhin e “KAM Mall” në Shkup, evakuohen vizitorët pas përhapjes së tymit

Shqipëri6 hours ago

Si dështoi atentati i shqiptarëve të Maqedonisë së Veriut ndaj biznesmenit izraelit

Lajme6 hours ago

Saranda Imeri Stafai ironizon BDI-në: “Atyre që marrin rrogë në BDI, a u takon edhe K15?”

Kosovë6 hours ago

Zbulohen prapaskenat nga takimet PDK-VV, emri i Justina Shiroka-Pulës nuk ishte pjesë e diskutimit, deri kur e përmendi Kurti

Shqipëri8 hours ago

“Evropa është zgjuar”- Shqipëria ble raketa nga SHBA-të, gjenerali Prenga: Bashkëpunim me partnerët për rritjen e kapaciteteve!

Kosovë9 hours ago

“Jo, nuk është fotografi e pasluftës”, Hykmete Bajrami ndan pamje nga Fakulteti Ekonomik pa rrymë

Lajme9 hours ago

Diplomacia e Edmond Ademit në Spanjë, nga forcimi i marrëdhënieve dypalëshe deri te promovimi i perspektivës evropiane

NA NDIQ NË FACEBOOK