​SHKK parandalon futjen e drogës në Qendrën e Paraburgimit në Prizren

Pas një informacioni konfidencial nga Njësiti i Inteligjencës së SHKK-së përmes rrugëve operative, oficerët korrektues sot, rreth orës 15:00 kanë arritur të parandalojnë futjen e substancave narkotike në Qendrën e Paraburgimit në Prizren.

Droga ishte improvizuar në mënyrë të sofistikuar në disa atlete dhe oficerët korrektues menjëherë kanë njoftuar Njësitin Antidrogë të Policisë së Kosovës.

Me qëllim të eliminimit të dukurive negative nëpër institucionet korrektuese,

Shërbimi Korrektues i Kosovës do të vazhdojë ta ketë primare luftimin e dukurive negative dhe kontrabandës, thuhet në komunikatë.