Vendoset përfundimisht: Sezoni i futbollit nuk do të vazhdojë as në Belgjikë

Qeveria e Belgjikës ka vendosur që asnjë sport, qoftë profesional apo amator, të mos zhvillohet deri më 31 korrik.

Kjo datë, e bë të pamundur përfundimin e sezonit në Superligën e futbollit të Belgjikës, me UEFA-n që u ka kërkuar përfundimi të ndodh para 3 gushtit, me këtë muaj që do t’i lihej në dispozicion ndeshjeve të Ligës së Kampionëve.

Drejtuesit e Superligës së Belgjikës (PRO League), janë deklaruar pas këtij vendimi, duke thënë se e respektojnë masat që janë marrë për të ndaluar përhapjen e COVID-19.

Tani Pro League do të ulet për të vendosur për renditjen përfundimtare të sezonit.

Kujtojmë se Franca ka shpallur kampion PSG-në, ndërsa në Holandë, sezoni është shpallur i anuluar, duke mos i dhënë askujt titullin e kampionit./Lajmi.net/